Gåve frå Sparebankstiftinga

I haust bestemte styret i Turngruppa at vi ønskjer å ha turndrakter som utøvarane får låne til framvisningar, stemner og konkurransar.

For å få dette til søkte vi om midlar frå Sparebankstiftinga Sogn & Fjordane, og vi var så heldige at vi fekk tildelt 25 000,-. Det gjer at vi no kan kjøpe inn 25 nye drakter. Sidan draktene vi har brukt i mange år har gått ut av produksjon, har vi bestemt oss for å kjøpe inn drakta på bilete. Vi håper det at vi kan låne ut drakter, vil bidra til at økonomi ikkje står i vegen for at barn skal kunne gå på tumbling.

Tusen takk til Sparebankstiftinga for gåva.